Српски граѓани денеска се собраа на протест во северниот дел на Митровица, по одлуката на градоначалниците на четири општини со мнозинско српско население на северот на Косово, советници, министри, заменици во косовската влада, судии, обвинители и припадниците на косовската полиција, да поднесат неотповиклива оставка, јавуваат српските медиуми.
ПОВРЗАНИ ВЕСТИ
(Видео) Полицајците ги соблекоа униформите, Србите ги напуштија сите косовски институции
„Ја следиме ситуацијата и тесно соработуваме со лидерите во Белград и Приштина, како и со нашите меѓународни партнери, со цел да се одржи безбедна средина за сите луѓе на Косово, по одлуката на Србите од северот на Косово да ги напуштат институциите и по порастот на нови тензии“, информираа од мисијата КФОР на Косово.
Тие ги повикаа сите да се справат со несогласувањата и да разговараат за нив како дел од конструктивен дијалог.
„И Белград и Приштина мора да покажат воздржаност и да спречат ескалација. КФОР останува буден и подготвен да интервенира доколку стабилноста е загрозена“, посочија од НАТО.
Фото: Фејсбук/Српска лига/видео: Ало.рс