Во организација на Нуркачкиот центар Амфора од Охрид се реализираше голема еколошката акција за чистење на Охридското Езеро од цврст отпад, “Охрид еко 2023“, информираат од таму на Фејсбук.
Акцијата се изведе на локациите – извори Св Наум и пристаниште Св Наум – манастир Св Наум.
Во акцијата учество 28 нуркачи од Нуркачкиот центар Амфора, Спелеонуркачки клуб Врело од Скопје, како и припадници на нуркачкиот тим на БСС на АРМ кои се вклучуваат во сите поголеми еколошки акции и активности што ги организира Нуркачкиот центар Амфора.
Од дното на Езерото се извади огромна количина на разновиден цврст отпад како што се пластични шишиња, лименки, пластики, конзерви и друго.
Проектот е реализиран со подршка на Скопско АД Скопје и на ресторанот Острово Св Наум.
-Голема благодарност и до ЈП Комуналец Охрид кои во секоја акција навремено го подигнуваат извадениот отпадот и го транспортираат до депонија, велат од таму и потенцираат дека најголемата количина на цврст отпад доаѓа преку реките кои се слеваат во езерото.
Фото: Фејсбук/Нуркачки центар Амфора