За да Македонската православна црква – Охридска Архиепископија (МПЦ – ОА) добие томос од Вселенската патријаршија, треба да се откаже од името – Македонска православна црква, да ја отстапи македонската дијаспора и да ја признае украинската црква, открива Архиепискот охридски и македонски г.г Стефан за штипската телевизија ТВ Стар.
„Ако ни даде томос ние ќе го прифатиме, но условите кои ни се поставуваат се неприфатливи за нас – откажување од името Македонска православна црква, отстапување на македонската дијаспора и признавање на украинската црква која ја призна Цариград“, вели тој.
Според него тешко ќе бидат позитивно одговорени и реализирани овие услови, особено тие поврзани со името и со дијаспората.
„Името ние си го имаме, тоа име е наше, на никој друг не припаѓа и затоа не треба никој да бара да се откажуваме ние од нашето име, а името на нашата црква е Македонската православна црква возобновена Охридска архиепископија, затоа се соджаи и двете имиња во името на нашата црква.
Дијаспората кога ќе превземат од сите други народи православни кои имаат своја дијаспора тогаш нека биде и нашава, но, тоа прашање тешко ќе биде реализирано односно одговорено во позитивна насока кон барањата на Цариградската патријашрија“, вели г.г. Стефан.