Македонија на средбите на премиерот Христијан Мицкоски и министерот за надворешни работи и надворешна трговија, Тимчо Муцунски во Брисел, денеска и утре, ќе бара одложено дејство на уставните измени за внесување на Бугарите во македонскиот Устав.
Според македонските власти овој предлог кој веќе доби и име „француски предлог плус“, не е формален во форма на документ, со што практично нема да има и промена на постоечкиот т.н. француски предлог.
За истиот веќе се разговара со преставници на Европската Унија (ЕУ), а дали ќе се согласат со истиот, а посебно Бугарија, која има техничка влада, ќе биде познато наскоро.
Веќе за следниот месец е најавено дека Албанија и официјално ќе ги стартува преговорите со ЕУ, а за Македонија еврокомесарот за проширување Оливер Вархеји неодамна го употреби зборот „можеби“.
ПОВРЗАНИ ВЕСТИ
Албанија ги стартува преговорите со ЕУ во октомври, а можеби и Македонија, вели Вархеји
Фото: Игор Бансколиев