Во индустриската зона Пинтија, во близина на Стаклара во скопската општина Кисела Вода се гради Home Retail Park, најголемиот и прв трговски парк од ваков вид во Македонија, информираа од Општината.
Истиот ќе се протега на површина од 35.000 м², а станува збор за инвестиција вредна 15 милиони евра.
Ќе има 20.000 м² комерцијален простор, а во истиот се планира вработување на околу 300 лица.
Во Home Retail Park граѓаните ќе можат да најдат сè што им е потребно за нивниот дом – од мебел, домашни апарати и декорации, до градинарска и бањска опрема.
Ќе има и кафетерии и ресторани, како и 600 паркинг места за посетителите.
Отворањето на Home Retail Park е предвидено до крајот на 2025 година.
Фото: Општина Кисела Вода
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.