Потврдуваме дека неколкумина вработени во Пивара Скопје се имаат пожалено на стомачни тегоби, информираат од компанијата и додаваат дека состојбата на сите овие вработени ја следиме контиуирано и се надеваме дека тие наскоро ќе бидат добро.
„Веднаш по појавата на првите симптоми, Пивара Скопје и надворешниот добавувач на угостителски услуги, во соработка со надлежните државни институции – Институтот за јавно здравје и Агенцијата за храна и ветеринарство, ги презедоа сите неопходни чекори и проверки за да се откријат можните причини и да се изолира ваквата појава.
Повеќе информации би биле во можност да споделиме откако ќе ги добиеме резултатите од надлежните институции.
Сите вработени во компанијата добиваат редовен оброк подготвен и дистрибуиран од страна на надворешен добавувач. Безбедноста и здравјето на сите наши вработени е највисок приоритет за компанијата“, се вели во соопштението на компанијата.
Инаку, денеска од Агенцијата за храна и ветеринарство информираа дека по добиеното известување од Центарот за јавно здравје дека неколку работници во скопска фабрика за производство на пиво и сокови се затруле со храна, екипа од инспектори од Агенцијата за храна и ветеринарство, од Државниот санитарен и здравствен инспекторат и од Ценатрот за јавно здравје Скопје, вршат вонредна инспекциска контрола во мензата.
Целта на контролата е утврдување на евентуалниот причинител на труењето.
„Од страна на инспекциските служби, земени ќе бидат мостри од храната која се подготвувала/послужувала како оброк за вработените, како и брисеви од работните површини и од вработените во мензата.
Причините за труењето ќе бидат утврдени со лабораториско испитување на земените мостри храна и брисевите, а резултатите од анализите ќе бидат познати за неколку дена“, информираа од АХВ.