Пратеникот Сашо Василевски, кој гласаше за стартување на процесот за промена на Уставот, што е предвидено со договорот за името со Грција, за протесното писмо кое синоќа му го доставија од движењето „Македонија блокира“, вели дека е предоцна за истото и дека е доставено на погрешна адреса:
„Писмото треба да се достави и до друга адреса, тоа е мојата матична партија. Тие изминатите 12 месеци не преземаа никакви активности за релаксирање на состојбата. Како пратеник од Охрид сакам само да кажам дека треба да имате верба… Работата е премногу сериозна и јасна, ова се притисоци што не можат да поминат. Ова писмо е задоцнето, а и треба да се однесе на адреса на мојата матична партија, каде не преземаат никакви активности за релаксирање на состојбите„, рече Василевски нагласувајќи дека зеленото копче го притиснал без притисок, со цел еднаш засекогаш да бидат ставени зад врата „лажниот патриотизам и национализам“.
Протестно писмо синоќа беше доставено и до пратеникот Љубен Арнаудов, а претходно и до Крсто Мукоски, кои исто така гласаа за старт на процедурата за промена на Уставот.
Фото/Видео: A1on.mk
ПОВРЗАНИ ВЕСТИ
(ВИДЕО) Од „Македонија блокира“ му ја пееја „Едно име имаме“ на Крсто Мукоски пред неговиот дом