Од вечерва на полноќ цената на Еуродизелот (Д-Е V) поевтинува за 7 денари, бензинот Еуросупер БС-95 за 3,50 денари, а бензинот Еуросупер БС-98 за 4 денари, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Новата цена на бензинот Еуросупер БС-95 ќе изнесува 84 денари за литар, на Еуросупер БС-98, 86 денари за литар, а на дизелот 80,50 денари за литар.
За 7 денари поевтинува и Екстра лесното масло за домаќинство на (ЕЛ-1) и сега ќе се продава за 79,50 денари за литар.
Се намалува и цената на мазутот М-1 НС, за 3,932 денари, и сега ќе се продава за 42,291 денари за килограм.
Фото: Унсплеш
