На новинарско прашање за бегството на Никола Груевски и за политичката одговорност, премиерот Зоран Заев денеска рече да се почека да заврши истрагата од Јавно обвинителство, за извршната власт да не се истрчува со детали, пред истата да заврши.
– Тогаш кога Јавно обвинителство ќе даде „пас“ со истрагата, тогаш како извршна власт ќе излеземе во јавноста и доколку се утврди одговорност, ќе ја понесеме јас, министерот или тој за кој ќе се утврди со истрагата. Уште еднаш повторувам дека таен договор за бегството немало – рече Заев и додаде дека политиката не влијае на процесите на СЈО и на Јавно обвинителство и дека мерките на Михајло Маневски од некое минато време биле проблематични и дека како политичари внимателно ги носеле одлуките.
Фото: Фејсбук/Груевски
ПОВРЗАНИ ВЕСТИ
Груевски избегал од Македонија преку див премин
еМагазин во Дебар: Дебарчани убедени дека Груевски избегал од овде