Рози Мицкоска, сопругата на лидерот на ВМРО-ДПМНЕ, Христијан Мицкоски во интервју за весникот „Вечер“ вели дека во пресрет на бадниковата и божикната вечер тие имаат двојно славење.
– За Бадник правиме домашно лепче со паричка, а за децата е многу возбудлив моментот кога го кршиме. Пет години наназад паричката се паѓа кај Христијан. За Божик, кога е и неговиот именден, традиционално, со дома месена погача одиме во Соборниот храм, кршиме лепче и палиме свеќи за здравје. Потоа, во домашен амбиент ручаме само со најблиските, во пријатна атмосфера. Инаку, можам да кажам дека јануари е месецот на нашето семејство. На 20 јануари го славиме Свети Јован, именденот на постариот син, а на 30 јануари го славиме Свети Антониј, роденден и именден на помалиот син – вели Мицкоска.
Додава дека уште откога се венчале со Христијан, сами со семејството, или со најблиските пријатели, во домашен амбиент, ја слават и Нова година.
Целото интервју можете да го прочитате ОВДЕ.
Фото: „Вечер“