Бројот на заболени од туберкулоза постојано се намалува, информираше денеска министерот за здравство Венко Филипче по повод Светскиот ден за борба против туберколозата.
Во 2007 година, биле регистрирани 563 заболени лица, додека пак во 2018 година бројката е двојно намалена и вкупно се регистрирани 217 лица со туберкулоза.
За периодот 2018-2022 година прифатена е и се спроведува актуелната Стратегија за контрола на туберкулоза, која е базирана на целите за одржлив развој и глобалната стратегијата на Светската здравствена организација, насловена како „Крај на туберкулозата до 2030 година”.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.