Телевизијата Телма објави дека канцелариjата која ја побарал претседателот Ѓорге Иванов се наоѓа во зградите на Џевахир Скај сити во скопски Аеродром.
Тој во канцеларијата ќе може да вработи најмногу три стручни лица, а има право и на лично обезбедување, како и право на користење на службено возило и возач.
Буџетот на идната Канцеларија на Иванов, според Законот, е во висина од 8% од буџетот на претседателот на државата, кој за 2019 година изнесува 81 милион денари.
Тоа според Телма значи дека Канцеларијата на Иванов би добила на располагање околу 105.000 евра годишно. Државата ги покрива и материјални трошоци за потребите при остварувањето на активностите на поранешниот претседател.
Пензијата на поранешните претседатели е ограничена во висина на платата на актуелниот шеф на државата што во моментов изнесува околу 1.800 евра, објави Телма.
ПОВРЗАНИ ВЕСТИ
Антикорупциска: Иванов се уште не платил за прекршочната
Иванов побарал средства за канцеларии за неговиот иден кабинет: Што друго му следува
Фото: Кабинет на претседателот