Претседателот Стево Пендаровски заедно со својата сопруга Елизабета денеска ги прошетаа американската амбасадорка Кејт Брнс и нејзиниот сопруг Скот во едно од најубавите македонски села – Галичник.
„Заедно со Бети денеска во Галичник им бевме домаќини на американската амбасадорка Кејт Брнс и нејзиниот сопруг Скот. Наместо зборови повелете повеќе фотографии кои ја пренесуваат убавината, историјата и културното значење на регионот за нашата Северна Македонија“, напиша Пендаровски на својот Фејсбук профил.
Тие им ги покажаа традиционалните галички куќи, надалеку прочуениот галички кашкавал, како и уникатната природа во овој крај.
„Традицијата е болка и радост, пред мене ја гледам носијата на Ѓорѓија Пулески во која е вткаен кодот на нашата културна историја“, напиша Пендаровски под постот на оваа фотографија.
Фото: Фејсбук/Пендаровски