Лидерот на ДУИ, Али Ахмети денеска бил во Обвинителството за гонење на организиран криминал и корупција, на распит за пропаднатиот попис во 2011 година.
Ахмети во Обвинителството дошол порано на негово барање, околу 8 часот, дал исказ и заминал, иако првично беше најавено дека ќе дојде во 10 часот, потврдуваат за МИА од Обвинителството.
Истрагата по предметот „Попис“ ја отвори поранешното Специјално јавно обвинителство (СЈО), за потоа да ја преземе ОЈО за гонење организиран криминал и корупција.
Случајот се однесува на пропаднатиот попис во 2011 година, организиран од владата на ВМРО-ДПМНЕ и ДУИ.
Според СЈО, со стопирањето на пописот на населението тогашниот премиер и лидер на ВМРО-ДПМНЕ, кој сега е во бегство, Никола Груевски и неговиот коалициски партнер во владата Али Ахмети, нанеле штета на Буџетот во висина од 2,8 милиони евра.
МИА/Фото: Фејсбук/Ахмети