еМагазин
Image default
МАКЕДОНСКО ТОП СТОРИИ

“Јас не познавам друг народ кој повеќе страдал од предавствата на своите синови – изроди како македонскиот”: Најубавите цитати на Гоце Делчев

Во Македонија денеска се одбележуваат 147 години од раѓањето на револуционерот Гоце Делчев, визионерот, кој пред повеќе од еден век го разбра светот како поле за културен натпревар на народите.

По тој повод бројни делегации ќе положат цвеќе на гробот на Делчев во црквата „Св. Спас“ во Скопје.

Гоце Делчев е роден на 4 февруари 1872 година во Кукуш, во семејството на Султана и Никола. Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата.

Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија. На 4 мај во 1903 бил убиен од турска војска во селото Баница, на пат кон Сер.

Саркофагот со посмртните останки на Гоце Делчев од 1946 година се наоѓа во дворот на црквата „Св. Спас“ во Скопје.

НАЈПОЗНАТИТЕ ЦИТАТИ НА ДЕЛЧЕВ

“Ослободувањето на Македонија се крие во внатрешното востание. Кој мисли инаку да се ослободи Македонија, тој се лаже и себеси и другите.”

“Јас го разбирам светот единствено како поле за културен натпревар меѓу народите”

“…Дали може да има друго место за еден Македонец, освен Македонија? Дали има и народ понесреќен од македонскиот? И дали има некаде пошироко поле за работа, отколку во Македонија…”

“Јас не познавам друг народ кој повеќе страдал од предавствата на своите синови – изроди како македонскиот”.

МИА/еМагазин

ПОВРЗАНИ ВЕСТИ

Заев раѓањето на Гоце Делчев ќе го слави во Бугарија

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Агенцијата за квалитет и акредитација на здравствени установи распиша тендер за набавка на лимузина

Никола Осило

Бруто надворешниот долг на Македонија достигна 8,4 милијарди евра

Никола Осило

Низ кои три фази би требало да оди постапката за уставните измени

Редакција