еМагазин
Image default
БАШ НИ Е ЌЕФ

АСОМ исплати милион денари на дел од семејствата на настраданите кај Лaскарци, апел до останатите да ја контактираат асоцијацијата

Веднаш по автобуската несреќа кај Лaскарци која се случи на 13 февруари годинава, членките на Асоцијацијата на Спортски Обложувалници (АСОМ) обезбедија донација од 1.200.000 денари како помош за семејствата на настраданите во оваа голема трагедија, информираат од таму.

Асоцијацијата на спортски обложувалници (АСОМ) досега исплати околу 1 милион денари на 41 семејство на настраданите во несреќата кај Ласкарци, од вкупно 54. Во недостиг на податоци за останатите 14 семејства, исплатата на средствата се уште не е реализирана.

„Асоцијацијата на Спортски Обложувалници и нејзините членки едногласно донесоа одлука да се донираат парични средства на семејствата на настраданите во несреќата, по што стапивме во контакт со дел од нив, на кои средствата веќе им се исплатени.

За жал, за дел не успеавме да обезбедиме податоци. Сосема разбирливо, во моменти на голема болка и тага кон загинатите и грижа за настраданите, некои од семејствата не стигнаа да ги достават своите податоци до асоцијацијата.

Во оваа прилика ги повикувам преостанатите 14 семејства да ја контактираат асоцијацијата за да им ги исплатиме средствата кои им следуваат“, апелира Васко Илијески, претседател на АСОМ.

Семејствата можат да ја контактираат АСОМ на: [email protected] на која треба да ги достават следните податоци: име и презиме, матичен број и број на трансакциска сметка.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ЕВН ја почна изградбата на полигон за тренинг на млади електро монтери и електро техничари

Редакција

Хуманитарен пикник на Алкалоид

Редакција

„Медена земја“ низ кината во Македонија од 27 септември

Редакција