Општина Берово денеска е општината со најмногу новозаболени од Ковид-19 во Пијанечко-малешевскиот регион. Вкупно тројца граѓани покажаа позитивни резултати кои според надлежните од беровскиот здравствен дом се асимптоматски случаи.
-Бројката не е загрижувачка, но покажува дека сега поради контактите на новозаболените ќе има нови тестирања кои се надеваме ќе бидат негативни. Денеска, освен тројцата новозаболени имаме и еден оздравен пациент. Вкупно во нашата општина имаме 22 активни случаи на коронавирусот, информираат од Здравствениот дом Берово.
Од околните општини денеска на листата со новозаразени од Ковид-19 се најде и Делчево каде има двајца новозаболени. Во Делчево има 73 активни случаи на коронавирусот, од кои има и граѓани кои територијално потпаѓаат под Македонска Каменица.
Вкупниот број на активни случаи во целиот Пијанечки-малешевски регион до денеска изнесува 113 случаи, од кои 18 се од Пехчево.
ПОВРЗАНИ ВЕСТИ
Починаа нови шест пациенти од Ковид-19, вкупната бројка е 689
Нови 140 заразени со Ковид-19 од 1.397 тестирања, најмногу во Скопје и Куманово
Убава вест: Оздравени 60 заразени од Ковид-19, најмногу од Скопје
МИА/Фото: Општина Берово