Бројот на смртни случаи од корона вирусот во САД надмина 50.000, според евиденцијата на универзитетот „Џон Хопкинс“.
САД се светски епицентар на пандемијата. Во земјата, епицентар е градот Њујорк со повеќе од 16.000 жртви.
На ниво на САД, регистрирани инфекции од коронавирусот има кај повеќе од 870.000 Американци. Вчера беа пријавени околу 20.000 случаи на новозаразени.
Иако епидемијата се шири, некои сојузни држави планираат отворање на локалните бизниси и зголемена социјална интеракција, соочувајќи се со прашањето како да се отвори економијата без да се предизвика втор бран на епидемија.
Законот за помош на болниците, за тестирање, и за поддршка на малите бизниси во висина од 484 милијарди долари изгласан од американските законодавачи, денеска треба да биде потпишан од претседателот Доналд Трамп.
МИА
ПОВРЗАНИ ВЕСТИ
Трамп предлага инјектирање дезинфекциски средства како лек за коронавирусот, лекарите шокирани
Трамп: САД ќе прекине да ја финансира СЗО поради пропустите за корона вирусот