Бугарското министерство за надворешни работи преку соопштение реагира дека во Македонија се поттикнувало антибугарско расположение од политичари и јавни личности, кои ја злоупотребувале руската воена агресија во Украина.
„Во врска со низата провокативни и злонамерни антибугарски коментари изминатите неколку дена од страна на политичари и јавни личности во Република Северна Македонија, Министерството за надворешни работи изразува загриженост дека злонамерната кампања против нашата земја има за цел да поттикне антибугарско расположение.
Уште позагрижувачки е што се прават обиди за намерна злоупотреба на трагичните начини во Украина како резултат на руската воена агресија.
Сметаме дека ваквите цинични обиди мора категорично да се отфрлат. Никој нема право да ја злоупотребува трагедијата на украинскиот народ на таков арогантен и непринципиелен начин“, велат од бугарското МНР и додаваат дека ваквата кампања можело негативно да влијае врз “позитивните трендови што се забележани во политичкиот дијалог во последните месеци“.
ПОВРЗАНИ ВЕСТИ
Да не треба Русија да не нападне за да Македонија добие датум за преговори
Фото: Фејсбук/Бугарско МНР