Министерството за здравство (МЗ) информира дека неделно ќе ја информира јавноста за починати лица со Ковид-19, кои биле комплетно вакцинирани, какви хронични заболувања имале починатите и колку од починатите со каков тип вакцина биле вакцинирани.
За комплетно вакцинирани се сметаат лицата кои примиле две дози вакцина, а од ревакцинацијата поминале повеќе од 14 дена.
Во периодот од 08.10-14.10.2021 година, починале 105 пациенти со Ковид-19, од кои 26 биле вакцинирани.
Во продолжение информации за возраста и хроничните заболувања што ги имале овие 26. пациенти.
8 октомври. Пријавени за починати се 16 пациенти со Ковид-19, 5 од починатите биле вакцинирани: 84 години – кардиолошко заболување, 62 год. – кардиолошко заболување, 78 год. – кардиолошко заболување, 63 год. – кардиолошко заболување и дијабет и 73 год. – кардиолошко заболување и дијабет.
9 октомври. Пријавени за починати се 18 пациенти, само 1 од пациентите бил вакциниран. Пациентот имал 80 години и имал две хронични заболувања – дијабет и кардиолошко заболување.
10 октомври. 14 пациенти се пријавени за починати, од нив 3 вакцинирани: 64 год. – кардиолошко и малигно заболување, 59 год. со кардиолошко заболување и 68 год. – кардиолошко заболување и дијабет.
11 октомври. 18 пациенти се пријавени за починати, од нив 6 вакцинирани: 72 год. – кардиолошка и белодробна болест, 69 год. – кардиолошка болест, 81 год. – кардиолошка болест и дијабет, 76 год. – кардиолошка болест, 64 год. – белодробно заболување и 56 год. – кардиолошко заболување.
12 октомври. 6 пациенти се пријавени за починати, само 1 вакциниран пациент на 80 години – нема хронично заболување.
13 октомври. 20 пријавени пациенти за починати, 8 вакцинирани: 61 год. – кардиолошко заболување и хипотироидизам, 80 год. – кардиолошко заболување, белодробно заболување и дијабет, 77 год. – кардиолошко заболување, белодробно заболување и дијабет, 48 год. кардиолошко заболување, белодробно заболување и дијабет, 72 год. – кардиолошко заболување, дијабет и бубрежно заболување, 77 год. – кардиолошко и белодробно заболување, 78 год. – кардиолошко заболување, белодробно заболување и дијабет и 71 год. – кардиолошко заболување.
14 октомври. 13 пријавени пациенти за починати, 4 вакцинирани: 75 год. – кардиолошко заболување, 74 год. – кардиолошко заболување и дијабет, 64 год. – кардиолошко заболување и дијабет и 77 год. – невромускуларно заболување.
ПОВРЗАНИ ВЕСТИ
Од 105 починати од Ковид-19 за една недела, 26 биле вакцинирани
17 лица кои починале од Ковид-19 минатата недела биле вакцинирани со Синофарм
Фото: МЗ