еМагазин
Image default
Локално ТОП СТОРИИ

Четврти ден блокади на приватните автобуски превозници, во сабота ќе се состане координативното тело

Околу 200 автобуси на приватните превозници и денеска четврти ден продолжуваат да блокираат неколку главни улици во Скопје.

Ќемал Муриќ од „Слобода превоз“ во изјава за медиумите информира дека во саботата ќе одржи состанок на координативното тело на приватните превозници, на кој ќе очекува да одлучат за понатамошните мерки.

– Како што спомнав, бесот се повеќе се фокусира кон главниот виновник за состојбава – управата на Град Скопје. Не можам да кажам ништо пред време. Треба да е состане координативното тело на превозниците, но со оглед на тоа дека се повеќе се стеснува кругот, се повеќе аргументите излегуваат на виделина и се надевам дека фокусот ќе биде тука пред управата на Град Скопје.

Фокусот на нашето незадоволство и аргументите што секој ден излегуваат на виделина ни даваат за право да го фокусираме нашиот бес и протест овде пред градската управа. Не е исклучена можноста воопшто, но тоа ќе мора да го договориме на координација што мислам во сабота ќе ја одржиме, рече Муриќ.

Тој потврди дека остануваат на ставот ниту еден превозник да не се јави на јавниот повик од страна на Град Скопје, посочувајќи дека тоа е само обид за разединување и разбивање на единството на приватните превозници.

Приватните превозници бараат од Град Скопје да се подмири долгот кон двете компании кој во целост изнесува преку 90 милиони денари, затоа што, како што велат, немаат средства за понатамошно функционирање поради недостиг на средства.

Инаку, вчера директорот на „Слобода превоз“, Ленин Јовановски изјави дека целосно се повлекува предводувањето на протестот на приватните превозници во градот Скопје, за како што рече, да не се злоупотребува неговото име, а блокадите остануваат и понатаму.

Во однос на новиот јавен повик од страна на Град Скопје, тој рече дека никој од превозниците присутни на протестот кои досега ја извршуваа својата дејност нема намера да се пријави, доколку долгот не биде расчистен.

МИА/Фото: МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нови вработувања во Министерството за информатичко општество и администрација

Редакција

(Фото) Кои се најдобрите гостилници во Скопје

Редакција

Се слави Националниот ден на Власите: Народот кој ја ткаеше македонската историја

Редакција