Д-р Драган Данаиловски на трибината „Вакцинација и предизвици со Ковид-19“, истакна дека досегашните искуства со делта варијантата (индиски сој) во Велика Британија и Израел покажуваат дека 95 проценти од сите заболени се во категорија на невакцинирани или вакцинирани со една доза, а во категоријата на невакцинирани лица се претежно млади лица кои, како што вели, имаат малку отпор кон вакцинирањето и се оставени без заштита.
– Сега целиот свет е всушност во фаза четири, што значи на општата популација се евалуира, мери и идентификува дали ќе се појават одредени несакани ефекти што во третата клиничка фаза не можеле да се појават, бидејќи таму биле 30-50 илјади испитаници.
Сега се во прашање десетици милиони и стотици милиони население. И вакцинираните со две дози не се дефинитивно сто проценти заштитени во заразување, видовме информација од Уругвај дека стапката на заштита од Фајзер е 78 отсто во стекнување на вирусот, но има 22 проценти ризик да се зарази и со две дози вакцина, процентите се слични и во други земји, објасни Данаиловски.
Тој напомена дека најважно од се е што сите вакцини нема да дозволат тешки симптоми и умирање од вирусот.
ПОВРЗАНИ ВЕСТИ
Професор Трајковски објаснува колку секоја вакцина е ефикасна против индискиот сој
МИА/Фото: Фејсбук/Филипче