Од Обединетите нации за Радио Слободна Европа велат дека не е испратено упатство до персоналот на Секретаријатот со кој би се изменил терминот „македонски јазик“ во „ јазик на РСМ“.
Деновиве македонски медиуми повикувајќи се неименувани извори објавија информација дека во ОН ќе се промени терминот „македонски јазик“.
-Не е испратено такво упатство до персоналот на Обединетите нации со кое би се упатиле службите, наместо терминот “македонски јазик“ да го користат терминот „јазик на Република Северна Македонија“, се вели во одговорот за РСЕ од портпаролот на генералниот секретар на ОН, Стефан Дјурачич.
-Употребата на референци од страна на Обединетите нации, вклучително и референци за придавки, за Северна Македонија се води според официјалната кореспонденција од Постојаната мисија на Република Северна Македонија во Обединетите нации од 14 февруари 2019-та година, како што е рефлектирано и во UNTERM, јавно достапна терминолошка база на податоци на Обединетите нации.
Секретаријатот на Обединетите нации, кој продолжува да го води персоналот на Секретаријатот, не издаде никакво друго упатство освен она содржано во UNTERM, велат од ОН за РСЕ.
ПОВРЗАНИ ВЕСТИ
Од МНР тврдат дека информациите за употребата на македонскиот јазик во рамки на ОН, биле шпекулација
Фото: Унсплеш