еМагазин
Image default
Македонија ТОП СТОРИИ

Детали за убиството во Прилеп: Полицаецот од убиенот зел 4.000 евра

Надворешната канцеларија за кривични работи – Прилеп до Основното јавно обвинителство денеска поднесе кривична пријава против Е.Т. (24) од Битола, вработен во Министерството за внатрешни работи како полицаец во Полициска станица Битола, поради постоење основи на сомнение за сторено кривично дело „убиство“ предвидено и казниво по член 123 од Кривичниот закон на Република Македонија.

Како што информира Министерството за внатрешни работи, вчера околу 12:00 часот пријавениот го контактирал сега покојниот А. Б. (36) во село Јеловјане и му понудил да му продаде патничко моторно возило марка „Голф 5“, сопственост на лицето Ј.С. од Битола.

Двајцата контактирале преку пораки од социјалната мрежа „Фејсбук“ при што се договориле истиот ден околу 14:30 часот А.Б. да го види возилото, кое од страна на пријавениот му било понудено за продажба за сума од 3.600 евра.

Откако го виделе возилото, двајцата се упатиле кон село Беловодица, во близина на превојот Плетвар, каде што наводно требало да ги чека сопственикот на возилото. Откако стигнале во атарот на село Беловодица двајцата излегле надвор од возилото.

Во еден момент Е.Т. го извадил својот службен пиштол кој го носел со себе и испукал четири куршуми кон покојниот А. Б., кој бил усмртен на лице место. Е.Т. од А.Б. одзел една чантичка во која имало 4.000 евра, пари кои му биле предвидени да му ги плати на сопственикот на возилото.

Потоа, пријавениот од возилото извадил шише полно со бензин и црна капа која му ја ставил на лицето на покојниот Б.А. и откако го полеал со бензин го запалил. Откако го извршил кривичното дело, со возилото се упатил во правец кон Битола.

Министерството за внатрешни работи денеска потврди дека ноќеска околу 2:00 часот Е.Т. е лишен од слобода. Службениот пиштол со потврда е одземен и истиот ќе биде предмет на балистичко вештачење.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Силјановска професионално: Ќе стане ли омилената професорка, првата жена претседател

Редакција

(Галерија) Етно-ресторанот „Куќа на Мијаците“ награден со високо прзнание од Booking.com

Редакција

Случај „Таргет-Тврдина“: Лазаревски последното усб со „бомби“ го предал во ноември 2013 година

Редакција