Центарот за јавно здравје во Куманово последниве 24 часа регистрира 14 новозаболени пациенти од Ковид 19. Пет од новозаболените се од општина Куманово и девет од општина Липково, информираа надлежните од јавната здравствена установа.
Министерството за здравство денеска објави дека двајца пациенти од Куманово починале, кај пациентка (64) вирусот е потврден постмортем, а во општата болница Куманово починал 85-годишен пациент, хоспитализиран на 10 јуни.
– Во последно време, граѓаните се посовесни во однос на тестирањето, прифаќаат, иако одвреме- навреме има лица кои не ги кажуваат сите контакти. Настојуваме овој проблем да го надминеме во соработка со други други институции, изјави директорот на Центарот за јавно здравје Куманово, Ариф Љатифи.
Денеска се извршени 65 тестови, од нив, 17 по мој термин, 46 се контролни и два согласно епидемиолошки индикации.
Според податоците на Министерството за здравство на подрачјето на Центарот за јавно здравје Куманово вкупната бројка на ковид дијагностицирани од почетокот на епидемијата изнесува 668, а активни случаи се 219.
МИА/Фото: МЗ
ПОВРЗАНИ ВЕСТИ
Шест скопски општини се со над 100 заболени од корона вирусот, во Чаир бројката се искачи на 336
Починаа шест нови лица од корона вирусот, вкупно до сега 216
Нови 182 случаи на заразени со корона вирусот, во Скопје 107