Тетовчанаката Наташа Димитриевска Апостоловска која долго време ја бараше правдата за нејзиниот сопруг Гоце, кој загина во сообраќајна несреќа кај Млечен ресторан, а таа се здоби со тешки повреди и го изгуби бебето, реагира на изборот на обвинителката Снежана Бундалевска Георгиевска за виш јавен обвинител.
Советот на ЈО наместо да ја разреши, казни обвинителката Снежана Бундалевска – Георгиевска за случајот кај Млечен, затоа што му помогна на Васил, тие ја наградија и ја избраа за Виш ЈО, за да може поубаво да цвета корупцијата.
СРАМОТА!!!#правдазаГоце #правдазаМене#правдазаНас— Natasha Dimitrievska (@napostoloska) April 22, 2021
Димитриевска поднесе преставка до Судски совет за судијката Елена Илиевска Јосифовиќ, која на обвинетиот Васил Чорбаџиев му досуди условна казна. А со преставка, Димитриевска се обрати и до Советот на јавни обвинители со која бараше преиспитување на постапувањето на обвинителката Снежана Бундалевска, која го водеше предметот.
Бундалевска Георгиевска, пак, вчера беше избрана за обвинител во Вишото јавно обвинителство.
Апелацискиот суд сепак ја преиначи казната за Чорбаџиев и наместо условна, тој доби затворска казна. Димитриевска информираше дека Чорбаџиев од 13 април е на издржување казна затвор.
ПОВРЗАНИ ВЕСТИ
Обвинетиот од сообраќајката кај Млечен ќе оди во затвор, Апелација ја преиначи казната
Фатиме Фетаи избрана за обвинител во Вишото јавно обвинителство Скопје
Фото: Апостоловска/Фејсбук