Поттикнувањето на регионалната соработка преку иницијативата „Отворен Балкан“ продолжува на работен состанок во Белград на 3 и 4 ноември 2021 година (среда и четврток), на кој што во име на Владата ќе учествува заменик претседателот задолжен за европски прашања, Никола Димитров, информираат од Секретаријатот за европски прашања (СЕП).
„Агендата за работниот состанок што се организира во соработка со Атлантскиот совет, опфаќа панел дискусија на тема „Дигиталната трансформација како подадена рака за регионална интеграција“ на која ќе бидат усвоени заклучоци, а потоа ќе биде одржана и прес-конференција.
Воедно, предвидени се лидерски средби и средби со претставници на компании од Северна Македонија, Албанија и Србија на кои што ќе биде разговарано за олеснување на трговијата,“ се вели во соопштението.
Инаку, вчера премиерот Зоран Заев го откажа учеството на иницијативата „Отворен Балкан“, во рамките на која требаше да се сретне со српскиот претседател Александар Вучиќ и албанскиот премиер Еди Рама.
– Силна поддршка за „Отворен Балкан“. Дали да ја одржиме или одложиме средбата во Белград, имајќи ги предвид настаните во Скопје?“, напиша Вучиќ на официјалниот Инстаграм профил на „Будуќностсрбије“.
ПОВРЗАНИ ВЕСТИ
Заев не оди во Белград, Вучиќ во дилема дали да се одржи најавената средба за „Отворен Балкан“
Фото: СЕП