Во лабораторијата за вирусологија при Институтот за јавно здравје (ИЈЗ) во периодот од 11-17.07.2022 година е изведено секвенционирање за детекција на варијанти на SARS CoV-2, стои во најновиот извештај на ИЈЗ.
“Изработени се вкупно 48 примероци од пунктови позитивни на SARS CoV-2 од Скопје, Велес, Кавадарци, Гевгелија, Свети Николе, Охрид, Неготино, Кочани, Штип, Струмица, Струга и Тетово.
Кај 39 примероци (81,2%) е детектирана BA.5 сублинијата на Омикрон сојот, кај 6 примероци (12,5%) е детектирана BA.2 сублинијата, додека пак кај 3 примерока (6,3%) – BA.1 сублинијата на Омикрон.
Новодетектираната BA.5 сублинија е забележана кај примероци од различни градови: Скопје, Струмица, Охрид, Штип, Неготино, Велес, Кавадарци, Тетово, Кочани и Гевгелија“, стои во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
Кои се симптомите на новите соеви на омикрон БА 4 и 5
Доктор Беќаровски: Ковид-бројките рапидно ќе растат поради доаѓањето на омикрон БА 4 и 5
Фото: МЗ