Вчера сами јавно признаа дека го смениле пристапот и стратегијата кон Бугарија, што прво ги урива хистеричните напади за мене и тврдењата дека сме немале внатре разлики, а второ го разобличува и обидот за евтин спин дека нешто Софија отстапила (спин што добро го препознаа и некои наши медиуми), пишува поранешниот вицепремиер за европски прашања Никола Димитров на неговиот Фејсбук-профил.
„Додека бев внатре го држев другиот пристап – ништо не е договорено додека не се договорат сите прашања – како што јавно кажа мојот наследник вчера. Вториот ден без мене пристапот и суштината се смени во „салама” тактика.
Велат дека сега со новиот пристап сме имале резултати веднаш – Софија „прифатила“ да го користи краткото име, нешто што само по себе не е наш проблем, туку нивен и нивно барање.
За ова неосновано барање да биде прифатено ние пративме нота до ОН што Софија ја бараше две години и не ја добиваше, без притоа да направи било каква отстапка. Сега ова биле резултатите со новиот пристап…
Да се разбереме, никој никогаш не спорел дека ваков пристап би дал резултати – АМА во корист на другата страна. Ако овој нов пристап се развива и кулминира, никој не спори и дека решение е можно, претпоставувате какво.
Повеќе за суштинската штета со нотата до ОН, каде атрибутите на државата се затворени, во следниот јавен настап,“ пишува Димитров.
ПОВРЗАНИ ВЕСТИ
Средба Ковачевски-Петков: Бугарија се согласила на употреба на краткото име Северна Македонија
Фото: СЕП