Телевизија Алфа е пријател на Албанците во Македонија и секаде во светот. Телевизија Алфа е пријател на секоја националност во Македонија. Али Ахмети да излезе од адреналинот, да ги симне еполетите и да се врати во светот на цивилите каде што нема непријатели, стои во реакцијата на директорот на ТВ Алфа, Јани Бојаџи.
-Патем, да посочи еден единствен пример каде што телевизија Алфа навредила било кого заради тоа што тој е Албанец по националност? Најмоќниот човек во владата на Димитар Ковачевски, Али Ахмети, би било добро да одговори на прашањето дали минатонеделната експресна пресуда на Основниот суд Скопје против Телевизија Алфа а во врска со даночни настани од 2014 година ги има нарачано тој, со цел да се пресмета со како што ги нарекува „непријателите“ од телевизија Алфа?
Бидејќи е јасно дека ова е предизборна кампања, мене лично како гласач политичарот Али Ахмети ми е поприфатлив кога пее песни во кабинетот со цигара во раката, отколку кога се расфрла со воени повици и непријателства.
Колку да не мисли Ахмети дека плаши некого, Алфа телевизија и понатаму останува на своите уредувачки определби во кои слободата на изразување е првата и последна точка од будалија до демократија.
Ако сме за битки, во таа битка Алфа телевизија ќе се бори со своето најмоќно оружје – вистината и слободата на изразување, вели Бојаџи, откако Ахмети на синоќешната трибина во Гостивар, порача дека телевизиите Алфа и Телма биле „непријатели на Албанците“.
ПОВРЗАНИ ВЕСТИ
Али Ахмети не смее да етикетира медиуми, регираат од Здружението на новинарите на Македонија
Ахмети им залепи етикета на Телма и Алфа дека биле „непријатели на Албанците“
Фото: Фејсбук/Бојаџи