Дисциплинска комисија ќе одлучува како ќе се постапи со наставникот кој насилнички се однесуваше кон ученикот во Бутел

Во училиштетото „Панајот Гиновски“ во Бутел е започната постапка за формирање дисциплинска комисија која треба да ги утврди околностите, и да одлучи, како ќе постапи со наставникот по англиски јазик, кој физички се пресмета со ученик од седмо одделение, што ја згрози јавоста преку објавеното видео на „Тик Ток“, објави „Телма“.

„Денеска во училиштето беа инспектори од Државниот просветен инспекторат чии констатации од записникот јавноста ќе ги дознае утре,“ вели за телевизијата директорката на училиштето, Ќамуран Реџа.

Јавноста е потресена од видеото на кое се гледа како наставникот му удира шлаканици на детето, а потоа го крева за рацете и го треска.

Директорката на училиштето случајот го пријави во МВР.

ПОВРЗАНИ ВЕСТИ

Не e само училиштето во Бутел: „Тик Ток“ мрежата се почесто открива вербално и физичко насилство од страна на наставниците врз учениците

(Вознемирувачко видео) Наставник шамара ученик во основно училиште во Бутел, го крева на раце и го треска

На разговор во МВР повикани лицата инволвирани во случајот со училиштето во скопски Бутел