Сè повеќе деца и возрасни кои изминативе денови се пожалиле на стомачни тегоби, по направени анализи и испитувања, се покажало дека се позитивни на коронавирусот, вели за „Слободен печат“ раководителката на секторот епидемилогија во Центарот за јавно здравје, Љуљзиме Бајрами.
– Ние и порано суспектните на ковид ги прашувавме дали имаат стомачни проблеми, односно дијареа и повраќање, но сè до неодамна ретко некој позитивно одговараше на ова прашање од анкетниот прашалник.
Забележуваме дека изминативе десетина дена се поголем е бројот на граѓани кои лекар посетуваат поради стомачни тегоби, а откако матичните лекари ќе ги препратат на дополнително испитување, се потврдува дека се позиитивни на ковид, вели Бајрами.
Бајрами порачува граѓаните да не ги занемаруваат стомачните тегоби.
– Апелирам до граѓаните, покрај веќе познатите симптоми на коронавирусот, како кашлање, покачена температура и губење на сетилата за мирис и вкус, да не ги занемарат и стомачните симптоми, вели за СП, Бајрами.
ПОВРЗАНИ ВЕСТИ
Српски лекар: Ковид-19 мутира, луѓе мислат дека имаат стомачен вирус, а всушност се ковид-позитивни
Фото: МЗ