Високопреносливата варијанта Ковид-19 делта, позната и како B1617.2, беше пронајдена во Индија во декември 2020 година. Сега е доминантен вид во САД и неколку други земји.
Од 14 јуни 2021 година, варијантата делта е присутна во 74 земји – само 6 месеци по откривањето. Во Велика Британија, таа веќе ја надмина алфа варијантата во голем број случаи. Се смета дека таа варијанта е од 43% до 90% повеќе пренослива од претходните варијанти на Ковид-19.
Експертите веруваат дека делтата е од 30% до 100% поинфективна од алфа.
Истражувачите сè уште не се сигурни зошто варијантата делта е многу попренослива од другите. Тие сметаат дека промените во протеинот на варијантата може да го олеснат влегувањето во човечките клетки.
Друга рана студија сугерира дека мутација во делта варијанта може да помогне подобро да се вклопи во човечките клетки откако ќе се прикачи. Ако може лесно да се спои со клетките, може да зарази повеќе од нив и да го совлада имунолошки систем.
Пациентите со варијанта делта се поболни од оние што ги лекувале рано во пандемијата
Се чини дека почесто влијае на помладите луѓе. Во Велика Британија, студиите покажаа дека децата и возрасните под 50 години имаат 2,5 пати поголема веројатност да се заразат.
Симптомите се чини дека се потешки. Луѓето може да имаат поголема веројатност да завршат во болница доколку ја имаат варијантата делта. Студиите сугерираат дека може да има скоро двојно поголем ризик од хоспитализација, отколку алфа варијантата.
Во Кина, лекарите велат дека пациентите со варијанта делта се поболни од оние што ги лекувале рано во пандемијата.
Кашлицата станува се поретка и губење на мирис веќе не е наведен во првите 10 вообичаени симптоми. Експертите се загрижени дека луѓето може ги зада немарат симптомите мислејќи дека се поради лоша настинка и да избегнат карантин, помагајќи во ширењето на варијантата.
Како да се заштитите
Вакцинирањето е најдобрата опција. Извештаите сугерираат дека две дози на вакцината Pfizer-BioNTech обезбедуваат 79% заштита од делта варијанта инфекција. Се чини дека е 88% ефикасна против симптомите ако сте заразени.
Две дози на вакцината AstraZeneca дава 92% заштита од хоспитализацијата поради варијантата делта.
Досега нема пријавено смртни случаи меѓу вакцинираните, пишува на Инстаграм-профилот на kiwi-zdravje.
Овој пост е дел од едукативната платформа „Минута здравје“, која содржи брзи дневни факти базирани на научни сознанија.
Заследете ги на Инстаграм за секојдневни совети и практични информации.
View this post on Instagram
Фото/Photo by Viktor Forgacs on Unsplash