АД Европа-Скопје за периодот 01.01-30.09.2020 година оствари добивка во износ од 63.184.152 денари и е поголема во однос на претходната година за 80%, соопшти компанијата преку Македонската берза.
„АД Европа-Скопје во 2020 година и покрај глобалните економски потешкотии предизвикани од пандемијата Ковид-19 има значителен пораст на финасискиот резултат во однос на 2019 година.
Зголемувањето на финасискиот резултат се должи на зголемените оперативни приходи остварени со 9,9% раст на странски пазар и 5,3% раст на домашен пазар. Планот за вкупната продажба за периодот 01.01-30.09/2020 година е остварен со 101,4%.
АД Европа Скопје се соочи со потешкотии во организирањето на производниот процес особено поради воведениот полициски час и отсуство на 18% од вработените кои користеа мерки од Владата на РС Македонија во услови на пандемија. Но и покрај сите напори АД Европа Скопје постигна зголемување на производството за 20% а воедно со тоа го надмина и планот за 8,5%“, соопшти компанијата.
Фото: Европа