Лани Факом АД Скопје оствари нето добивка од работењето во износ од 249.402 денари наспроти добивката од 2021 година (908.126 денари), која е -73% помала од претходната година, информира Друштвото преку Македонската берза.
-Ова се должи пред се на бројните предизвици со кои се соочи нашата компанија како резултат на енергетската и економската криза и го промени целокупното деловно опкружување.
Вкупните оперативни приходи во 2022 година изнесуваат 1.203.398.703 денари и истите се зголемени за +30% во однос на 2021 година, како резултат на зголемените приходи од странство и останати приходи по основ на судски спор.
Финасиските приходи во 2022 година се зголемени за +86% во однос на 2021 година како резултат на зголемените приходи врз основа на позитивните курсни разлики од работењето со неповрзани друштва. Вкупните приходи за 2022 година се зголемени за +31% во однос на 2021 година.
Друштвото оствари вкупни расходи од 1.205.621.488 денари, кои се за +30% поголеми во однос на 2021 година. Зголемувањето на расходите се должи на зголемување на цените на материјалите односно зголемените трошоци за работење, имаме зголемување на трошоците за вработени, како и зголемени расходи од минати години, велат од Друштвото.
ПОВРЗАНИ ВЕСТИ
ЕСМ склучи договор со Факом вреден 859,5 илјади евра
Намалена добивката на Факом во првите девет месеци