Матичниот лекар Ненад Лазаров на својот Фејсбук, споделувајќи и илустрација, советува како правилно да се самотестирате за новиот сој на Ковид-19, омикрон, со брз тест, кој можете да го набавите во аптека.
“Кога се самотестирате со брз тест со брис од нос, со истото стапче прво земете примерок од грлото, со што значително се намалува бројот на лажно негативни тестови.
Сензитивноста на брис од грло заедно со нос кај омикрон е очигледно поголема во првите денови од инфекција“, пишува тој.
Одговарајќи на забелешка на неговиот статус, напоменува дека ништо не е сигурно, но и дека е сведок на многу негативни брзи тестови, кои покажуваат позитивен резултат ако се земе примерок и од грло.
Дека брзите тестови потешко го регистрираат овој нов сој, укажаа бројни експерти, а меѓу нив е и доктор Драган Даниловски.
ПОВРЗАНИ ВЕСТИ
Кои се најчестите симптоми на омикрон?
Фото: Unsplash