Македонски државјанин е фатен при обид за шверц на 9,7 литри ракија и над 10 илјади кутии цигари на граничниот премин „Товарник“ во Хрватска, објави хрватската Царинска управа на својата веб-страница.
„При детален преглед, во просторот на резервното тркало биле пронајдени 6.600 парчиња цигари „вест силвер“, 4.000 парчиња цигари „жаде ла розе“ и 9,7 литри ракија, стока за која се пропишани забрани и ограничувања при увоз, а која возачот се обидел на скришен начин да ја внесе на подрачјето на Унијата“, се вели во соопштението.
Македонскиот државјанин кој се обидел да ја прошверцува стоката треба да плати парична казна во износ од 13.272 евра, а како што додаваат од царината, пресметана и наплатена е акциза за цигари во износ од 1.419 евра.
Возилото во кое била скриена стоката било со швајцарски регистарски таблички.
Фото: Царинска управа на Хрватска/Unsplash