Од велосипедот-скулптура кој беше поставен како симбил за крадењето велосипеди и да ја подигне видливоста, украдени се седиштето и воланот.
Укажувајќи на „жртвите“ и самиот постана „жртва“ односно дел од проблемот кој тангира преку 150.000 граѓани кои го користат велосипедот како еколошко, здраво и функционално превозно средство, но за жал многумина велосипедисти изминативе години останаа без своите велосипеди кои организираните крадци на велосипеди ги крадат секаде и во секоја прилика.
Проценките се дека изминативе 10 години се украдени над 70.000 велосипеди односно на скоро секој велосипедист му е украден најмалку по еден велосипед. Полицијата засега не е успешна во оваа борба и се пронаоѓа секој 1.000-ти велосипед.
Скулптурата велосипед е изработен од метал и е со димензии 3 х 1.8 метри.
Урбаната акција „Гигантски велосипед“ е дел од активноста Креативни заедници спроведувана од тимот на Центарот за современти уметности (ЦСУ) – Скопје, поддржан од проектот на УСАИД за граѓанско учество, со поддршка од американскиот народ преку Агенцијата на САД за меѓународен развој (УСАИД).
