Црни шорцеви заплеткани во алги на плажа во Катерини, фрли ново светло во потрагата по исчезнатиот Мартин Јовановски на Халикидики.
Имено, граѓанин до Грчката спасувачка служба ОФКАТХ испратил фотографија од шорцеви во заплеткани алги, на плажата во Катерини. Тој шорцевите не ги задржал, па потрагата по нив била бесупешна, бидејќи ги однеле брановите.
„Човекот ми ја испрати фотографијата со костим за капење меѓу алги, но за жал не ги задржал. Пристигнавме на самото место и со помош на спасувачкиот тим Пиерија – ДОП, кој ни го даде чамецот, ја пребаравме областа до делтата Аксиос, но залудно“, изјави Христор Рамос, шеф на спасувачката служба ОФКАТХ.
Мајката на 31-годишниот Мартин изјавила дека, шорцевите личеле на тие што тој ги носел на капење.
Потрагата по Мартин се уште трае од страна на доброволци и волонтери.
Фото: ОФТКАХ/Фејсбук