За претседателот на Достоинство и директор на Центарот за управување со кризи, Стојанче Ангелов францускиот предлог ваков каков што е неприфатлив.
-Јас како поискусен политичар можам да проголтам неколку работи, но со овој предлог ние не добиваме датум за преговори. Покрај тоа што е во одредени делови е понижувачки за нас Македонците, ние нема да добиеме датум, се додека не се случат уставните измени и тешко ќе биде да се обезбеди две-третинско мнозинство.
Јас сум против внесување на Бугарите во Уставот затоа што нивната бројка е минорна. Утре може ќе останат овде кај нас 2-3.000 Украинци, па може ќе треба и нив да ги внесеме.
Ваков каков што е, предлогот треба да биде доработен, но ако ова е конечниот, тој треба да се отфрли. Негацијата на македонскиот народ и идентитет е присутна и кај бугарскиот народ, кој под влијание на пропагандата се сврте против браќата Македонци, изјави Ангелов во емисијата „Само вистина“ на Канал 5.
ПОВРЗАНИ ВЕСТИ
Германски историчар објаснува зошто францускиот предлог е бескорисен и опасен
Блага Петреска: Безимен Македонец уште не е виден, така било, така и ќе биде