Неколку илјади граѓани денеска протестираа под мотото „Демократија во Македонија, слобода за уставобранителите“.
Тие побараа ослободување на затворените за насилствата во Собранието од 27 април 2017 година.
За лидерот на ВМРО-ДПМНЕ, Христијан Мицкоски, кој беше дел од истиот, „протестот е практично одраз на целокупната состојба во општеството, народот е незадоволен.“
„Народот денеска е излезен за поддршка на луѓето кои што го бранеа Уставот. Еден ден за неправедно осуден човек е како цела вечност.
Бидејќи имаме судска пракса за повторно отворање на случаи, не гледам причина зошто и овој случај да не се преотвори и луѓето од слобода да имаат втора шанса да се бранат и да ја докажат својата невиност,“ изјави Мицкоски.
Протестот почна пред Владата, а заврши пред Собранието.
Фото: ВМРО-ДПМНЕ