Азир Алиу, кој моментално работи како професор на Факултетот за компјутерски науки и технологија при Универзитетот на Југоисточна Европа во Тетово е кандидат за министер за информатичко општество и јавна администрација на Алијанса за Албанците.
Тој доаѓа на местото на Адмирим Алити, кадар на Алтернатива.
ПОВРЗАНИ ВЕСТИ
Кои се кандидатите за нови министри и заменици-министри
Образование
Тој е дипломиран инжинер по електротехника на Електотехничкиот факултет при Универзитетот “Кирил и Методиј“ во Скопје.
Алиу е и доктор по информатички науки, а докторирал на Природно-математичкиот факултет при Универзитетот “Кирил и Методиј“ во Скопје.
Тој е и магистер по електротехника при Универзитетот “Кирил и Методиј“ во Скопје.
Работно искуство
Од 2002 година до денес работи на Универзитетот на Југоисточна Европа како редовен професор, а овде е и потпретседател на Управниот одбор, а бил и продекан за наука, асистент…
Интересен детал во неговата биографија е дека во периодот од 2013 до 2017 година го советувал тогашниот премиер Никола Груевски, за високо образование, наука и ИКТ.
Покрај академското искуство, Азир Алиу има и долга кариера во приватниот сектор како претприемач, ментор и консултант.
Тој во периодот од 2013 до 2018 година меѓудругото бил и директор и иницијатор на првиот технолошки парк SEEUTechPark во Тетово.
ПОВРЗАНИ ВЕСТИ
Кој е Кренар Лога, кандидатот за министер за правда на Алијанса за Албанците
Која е Каја Шукова, кандидатката за нова министерка за животна средина и просторно планирање
Фото: АА