еМагазин
Image default
Бизнис

Голем број од јавните набавки во општините во Скопје склучени без оглас

Денес беа претставени резултатите од мониторингот на јавните набавки на локалните самоуправи во Скопскиот регион, спроведени во Проектот „Зајакнување на транспарентноста и отчетноста на општините при трошењето на јавните средства“, на ЗЕН – Здружението на економски новинари, а во рамките на проектот „Мрежа за транспарентност, отчетност и интегритет во јавните набавки” кој го спроведуваат Центарот за граѓански комуникации и Фондацијата Фокус со финансиска поддршка од Европската Унија.

„Истражувањето на јавните набавки на локалните самоуправи во Скопскиот регион, за 2017 година покажа дека има рекордно ниско ниво на јавните набавки. Склучени се 809 договори за јавни набавки во вкупна вредност од 2,15 милијарди денари односно 35 милиони евра.

Локалните самоуправи односно големиот дел од нив не успеваат да достигнат високо ниво на реализација на планот за јавни набавки. Загрижувачки е фактот што поголемиот број на општини во Скопскиот плански регион немаат воспоставен систем за следење на реализацијата на склучени договори.

Кај 10 општини беше утврдено високо ниво на присуство на дискриминаторски елементи во тендерските документации – кои можат да ја ограничат конкуренцијата. Ограничувачките односно дискриминаторски елементи се клучен елемент кој може да влијае на намалување на бројот на добиени понуди по објавен оглас.

Кај две општини забележано е високо ниво на учество на една фирма во вкупните набавки.

Во скопскиот плански регион кој опфаќа вкупно 18 општини, за 2017 година година поништени се вкупно 179 постапки делумно или целосно, што значи дека е поништена секоја 4 постапка објавена во 2017 година.

Склучени 33 се договори за јавна набавка без објавување оглас, во вкупна вредност од 1,36 милиони евра. Дури 12 милиони, односно 40% од вкупната вредност на овие договори припаѓа на Градот Скопје“, вели Бети Деловска за истражувањето и мониторингот на јавните набавки на локалните самоуправи во Скопскиот регион во 2017 година.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Семос“ го доби тендерот на Агенцијата за вработување за обука вреден 389.000 евра

Никола Осило

Голем скок: Просечната нето плата во јануари 27.540 денари

Редакција

ДЗС: Невработени 198.569 граѓани

Никола Осило