Граѓаните кои за викенд треба да се ревакцинираат во Србија, веќе добија известувања од е-Управа

Граѓаните кои за претстојниот викенд треба да се ревакцинираат во Србија, веќе добија известувања од српската е-Управа за термини.

Ревакцинацијата ќе се изврши во градот каде што била примена првата доза на вакцина.

Здравствените домови во Ниш и Врање информираа дека ревакцинацијата не може да се изврши кај нив, ако на пример, сте се вакцинирале во Белград. Оттука, граѓаните кои се вакцинираа во Белград, добија термини за ревакцина таму.

Министерот за здравство Венко Филипче, иако најави, сепак не се договори со српскиот колега Златибор Лончар, вакцините на пример од Белград, да бидат донесени во Ниш или Врање.

Најголем дел од граѓаните кои примија вакцина викендот на 27 и 28 март се вакцинирани со „АстраЗенека“, вакцината, која кај нас не се дава на лица под 60 години.

Најголем број на ревакцинација на македонски граѓани во Србија се очекува од 17 до 21 јуни.

ПОВРЗАНИ ВЕСТИ

Филипче договара со Лончар, ревакцинирањето на македонските граѓани да биде во Ниш или Врање

Само лицата над 60 години кои се вакцинираа во Србија со „АстраЗенека“, ќе се ревакцинираат во Македонија

Продолжува масовната вакцинација во Србија: Во Врање досега вакцинирани 4.502 Македонци

Фото: МЗ