Приходите од работењето на Хотели-Метропол А.Д. Охрид за 2022 година изнесуваат 182.349 илјади денари и истите гледано споредбено со 2021 година се зголемени за 55,42%, информираат од Друштвото преку Македонската берза.
-Од овие приходи на основната дејност на фирмата отпаѓаат најголем дел, односно 172.819 илјади денари што покажува зголемување за 67,14 % во однос на 2021 година, останатите приходи во износ од 9.530 илјади денари се намалени во однос со истите од минатата година. Финансиските приходи се зголемени во однос на 2021 година и изнесуваат 833 илјади денари.
Расходите од работењето во износ од 181.057 илјади денари, се зголемени за 36,58% во однос на расходите во 2021 година. Најголемо учество во вкупните расходи за 2022 година од 37,19% имаат трошоците за вработени во износ од 67.337 илјади денари, кои споредбено со 2021 година се зголемени за 28,35% согласно покачувањето на минималната плата.
Трошоците за суровини и материјали во износ од 59.225 илјади денари се значајна ставка во расходите со 32,71% учество во вкупните расходи, кои во однос на 2021 година се зголемени за 70,39%. Финансиските расходи бележат зголемување во однос на истите од претходната година за 24%.
Хотели-Метропол во 2022 година оствари позитивен финансиски резултат остварувајќи нето добивка од 967 илјади денари, велат од Друштвото.
ПОВРЗАНИ ВЕСТИ
„Хотели-Метропол“ во загуба од 16,2 милиони денари во првите три месеци од годинава
Корона вирусот ги „однесе“ во загуба „Хотели-Метропол“
Фото: Хотели-Метропол