Министерството за транспорт и врски го поништи решението на градоначалникот на Охрид, Кирил Пецаков со кое беше стопирана градбата на хотелот во Лагадин, објави ohrid1.com.
Второстепената комисија при Министерството за транспорт и врски која одлучува по жалби, во врска со жалбата доставена од инвеститорот на хотелот во Лагадин, одлучила мериторно, односно го поништила решението со кое градоначалникот Пецаков го огласи за ништовно одобрението за градба на хотелот во Лагадин. Тоа значи дека Министерството за транспорт и врски ја трга единствената препрека за градба на спорниот хотел во Лагадин.
Министерството за транспорт и врски донесеното решение на 01.03.2023 година го прави правосилно. Со ваквата одлука, на инвеститорот му се отвора врата за непречено продолжување со градба на спорниот хотел.
ПОВРЗАНИ ВЕСТИ
Фото: еМагазин.мк