Директорот на ЈП „Дрисла“, Јане Мицевски денеска поднесе оставка од функцијата, поради, како што вели немањето координација со градоначалничката на Град Скопје, Данела Арсовска.
Тој смета дека првенствена задача за еден градоначалник не смее да биде личната пресметка и хајка кон поединци, туку приоритетите и проектите.
– Морам да го истакнам немањето на координација и достапност со градоначалничката Арсовска и покрај бројните мои обиди тоа да биде сменето. Во такви едни услови сметам дека првенствена задача за еден градоначалник не смее да биде личната пресметка и хајка кон поединци, каква што видовме вчера, туку посветување на приоритетите и проектите кои се основна задача.
Дополнително, „Дрисла“ се соочува со сериозен проблем поради сметките за струја кои се сериозен удар на претпријатието, а за жал до сега претпријатието нема никаква поддршка од Градот Скопје, вели на Фејсбук, Мицевски.
ПОВРЗАНИ ВЕСТИ
Директорот на „Градски паркинг“ – Скопје, Бојан Христовски поднесе оставка
Кој е милионскиот тендер кој ги скара Арсовска и ВМРО-ДПМНЕ
Марјан Митовски на местото на Златко Перински во ЈП Водовод и канализација Скопје
Фото: Фејсбук/Дрисла