еМагазин
Image default
Балкан ТОП СТОРИИ

И македонски државјанин меѓу загинатите во експлозија во фабрика во Словенија

Меѓу петтемина загинати во вчерашната експлозија во фабриката за хемиски производи „Меламин“ во словенечкиот град Кочевје, има и еден државјанин на Северна Македонија, објавија денеска словенечките медиуми.

Како што соопшти Полициската управа на Љубљана, од останатите четворица загинати, двајца се Словенци, а двајца државјани на Босна и Херцеговина.

Според словенечката полиција, загинатите „се уште не се идентификувани, но се знае дека тројца од нив се странци“.

Началникот на Одделението за општ криминал при СВР Љубљана, Валтер Зрински изјави дека засега се уште не може да потврди дали причина за експлозијата е човечка грешка.

– Службеници на криминалистичката полиција продолжуваат да вршат увид на местото на настанот за да им помогнат на форензичарите да ја утврдат точната причина што довела до овој немил настан, нагласи Зрински, додавајќи дека кога ќе имаат „издржани заклучоци“ од наодите ќе го известат надлежното Јавно обвинителство.

Експлозијата во Кочевје, гратче со околу 8.000 жители во јужна Словенија, се случи вчера околу 8.30 часот, по што надлежните на локалните жители веднаш им препорачаа да ги затворат прозорците и да не излегуваат надвор, иако нагласија дека нема опасност од загадување на животната средина.

Фабриката „Меламин“ е основана во 1954 година и вработува околу 200 работници, а името го носи по хемикалијата што ја произведува наменета за покривање на подови и мебел.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео+фото) Големи пожари и на грчките острови Крф и Евија и на Пелопонез

Редакција

Стружанка на 53 години и прилепчанец на 80 години починаа од корона вирусот

Редакција

(Фото) Грците го направија првото беспилотно летало

Редакција