На последниот попис во соседна Бугарија како Македонци се изјасниле 1.143 лица, соопштија вчера од Националниот статистички институт.
Македонците, за кои единствено бугарските власти велат дека не постојат во нивната земја, ги нема во пописните резултати, бидејќи се ставени со други малцинства во група „други„.
Тамошната јавност го дозна овој податок, откако новинарите на презентацијата на резултатите прашаа кои се другите етнички групи, па добија одговор дека 1.143 лица изразиле „чувство“ дека се Македонци.
Новинарите прашаа и зошто тие лица не биле заведени како „северомакедонци“, кои не постојат, на што добија одговор, дека неможе така да бидат запишани, бидејќи станува збор за етничка група.
Во Бугарија според податоците од пописот речиси 85% од населението се изјаснило како Бугари, а во земјата живеат и Турци (8,4%), Роми (4,4%), како и помал број на Полјаци, Руси, Ерменци, Украинци, Власи, Грци…
ПОВРЗАНИ ВЕСТИ
Чие сценарио се спроведува со нападот на бугарскиот клуб во Охрид?