Ќе доживее ли нашата земја уште едно понижување од Европската Унија која веќе десет години препорачува отварање на пристапните преговори за зачленување на Македонија во Унијата, но никако да одреди конкретен датум за тоа е прашање кое ја мачи целата македонска јавност, на која веќе и е здосадено од лажни ветувања.
Изминаа петнаесет години од потпишувањето на Спогодбата за стабилизација и асоцијација во април 2004 година, кога и почна процесот на зачленување на Македонија во ЕУ.
Од 2009 година, наваму Европската комисија постојано му препорачува на Советот да ги отвори преговорите за пристапување со Македонија, која официјално е земја кандидат од 2005 година.
Македонските момчиња станаа мажи, а девојчињата израснаа во жени чекајќи ЕУ да ги исполни ветувањата.
Сосем е нормално новите генерации да се чувствуваат фрустрирано и да расте национализмот, кога беа сведоци како се менува името на нивната татковина токму за да се исполнат измислените политички критериуми за зачленување во Унијата.
Се чини дека крајно време е европските политичари да сфатат дека играта зајче и морковче не може вечно да функционира и дека нашата земја има опции и како што е новата Евроазиска Унија.
ПОВРЗАНИ ВЕСТИ
(Фото) Се чувствува страв во воздухот од нова „корпа“ од ЕУ